മലയാളത്തിലെ പ്രമുഖ ഫുട്ബോൾ കമന്റേറ്ററായ ഷൈജു ദാമോദരന് പൊങ്കാലമേളം. കഴിഞ്ഞ ദിവസം കേരള ബ്ലാസ്റ്റേഴ്‌സ് താരമായ ഇവാൻ കലിയുഷ്‌നിയുടെ കാലിൽ ഷൈജു ദാമോദരൻ ഉമ്മ വെക്കുന്ന വീഡിയോ ദൃശ്യങ്ങൾ പുറത്തു വന്നതോടെയാണ് താരത്തിനെതിരെ വ്യാപകമായ ട്രോളുകളും പൊങ്കാലകളും ആരാധകരും മറ്റുള്ളവരും ആരംഭിച്ചത്.
ഇവാൻ കലിയുഷ്‌നിക്ക് അഭിമുഖമായി ഇരിക്കുന്ന ഷൈജു ദാമോദരൻ യുക്രൈൻ താരത്തിന്റെ കാലുകൾ എടുത്ത് ഉമ്മ വെക്കുകയാണ്. ഇതെന്റെ ഉമ്മയല്ല, കേരളത്തിന്റെ ഉമ്മയാണെന്നു പറഞ്ഞാണ് ഷൈജു ഉമ്മ വെക്കുന്നത്. ഇവാൻ കലിയുഷ്‌നി അതിനെ തടുക്കാൻ ശ്രമിക്കുന്നുണ്ടെങ്കിലും ഷൈജു ദാമോദരൻ വളരെ പെട്ടന്നു തന്നെ ഉമ്മ കൊടുക്കുകയാണ്.
ഈ സീസണിൽ ഇവാൻ മികച്ച പ്രകടനം നടത്തുന്നുണ്ടെങ്കിലും ഈ ആരാധന കുറച്ച് ഓവറായി പോയെന്നാണ്‌ ആരാധകർ പറയുന്നത്. അതിനു പുറമെ സ്വന്തമായി ഉമ്മ വെക്കണമെങ്കിൽ അതു ചെയ്‌താൽ മതിയെന്നും കേരളത്തിലുള്ളവരെ മുഴുവൻ കൂട്ടു പിടിക്കേണ്ടെന്നും ആരാധകർ പറയുന്നു. ഷൈജു ദാമോദരൻ ഫൂട്ട് ഫെറ്റിഷ് ആണെന്നും പണ്ട് വിദേശികളുടെ കാലു നൽകിയവരുടെ പിൻതലമുറയാണെന്നുമെല്ലാം ട്രോളുകളിൽ നിറയുകയാണ്.
